Францияда коронавируска байланыштуу коммуналдык төлөмдөр, батир акылары төлөнбөйт

Таажылуу вирустун күчөгөнүн улам Францияда эл көп чогулган иш-чаралар токтотулуп, окуу жай, мектеп, бала бакчалар карантинге жабылган. Учурда оору жуктургандар көбөйө баштаганынан улам метролор жабылып, эл дээрлик эч жакка чыкпай үйдө болууда. Мындан улам, иштебей үйдө отурган элдин камын ойлоп, өлкө башчысы Эммануэль Макрон карантин убагында коммуналык төлөмдөрдү жана мамлекеттик үйлөрдө ижара акысын төлөп жашап жаткан жарандардын батир акыларын бекер кылуу чечимин чыгарды. Мындай чечим жарандардын ишке чыкпай, үйдө отурганынан улам кабыл алынган.