27-апрелде вирус жуктурган 13 адам катталды

27-апрелде Кыргызстанда коронавирус илдетине чалдыккан 13 адам аныкталды. Бул тууралуу Саламаттык сактоо министринин орун басары Нурболот Үсөнбаев билдирди. 

Жаӊы катталгандар: Бишкек шаарында-6, Ош шаарында -1, Ош облусунда -1, Чүй облусунда эки, Нарын облусунда бир жана Ысык-Көл облусунда эки адам. 
 
Ушул менен вирус жуккандардын жалпы саны 695 болду, алардын сегизи каза болуп, 395 бейтап айыгып чыкты.