Кыргызстанда жугуштуу вируска чалдыккан медицина кызматкерлеринин саны күн санап өсүүдө. Акыркы суткада 19 адам вирус жуктурса, алардын сегизи медицина кызматкери. Тактап айтканда бешөө - медициналык кызматкери, үчөө – дарыгер.
Илдет жаңы жуккан 19 кишинин ичинен Бишкек шаарында – 8, Чүй облусу – 4, Ош шаарында – 4, Ош облусунда 3 киши катталды.
Акыркы суткада 48 бейтап айыгып чыкты.
Ушуну менен өлкөдө СOVID-19 илдетине 631 адам чалдыкты.
Жалал-Абад облусунда – 109, Ош облусунда – 154, Ош шаарында - 101, Чүй облусунда – 38, Бишкек шаарында – 141, Баткен облусунда – 6, Нарын облусунда – 74, Ысык-Көл облусунда – 8 киши. Алардын 162си медкызматкерлер.
