2000 сом төлөп, коронавируска өз алдынча анализ тапшырсаңыз болот...

Кыргызстанда мындан ары жарандар  COVID-19 инфекциялык вирусуна өз алдынча текшерилсе болот.  Саламаттык сактоо министринин орун басары Нурболот Үсөнбаев 22-апрелде онлайн брифингде Бишкекте текшерилгиси келген жарандар Бонецкий лабораториясына кайрылса болорун билдирди.

Аталган лабораторияда текшерилүү акысы 2 миң сомдун тегерегин түзөт, жыйынтыгы бир күндөн кийин чыгат.

22-апрелге карата илдет жуккандардын жалпы саны Кыргызстанда 612 кишиге жетти. Алардын жетөө каза тапты, 254 бейтап айыгып чыкты.