Карантин учурунда дагы бир окуучу өз жанын кыйды

Тилекке каршы карантин учурунда дагы бир өспүрүм өз өмүрүнө кол салып, аягы кайгылуу окуя менен аяктады. Тактап айтканда Бишкекте кечээ, 19-апрелде 14 жаштагы кыз көп кабаттуу үйдүн 7-кабатынан секирип кетти. Окуя саат 16:30дар чамасында Матросов көчөсүндө болгон.

Бишкек шаардык милициянын кызматкерлери кырсык болгон жерге барып, өз жанын кыйган кыз 2006-жылы туулган М.А. аттуу өспүрүм экенин такташты. Бул окуя Октябрь РИИБнин КЖБРне каттоого алынып, тийиштүү экспертизалар дайындалды. Окуянын чоо-жайын тактоо үчүн иликтөө жүрүп жатат.

Алдын ала маалыматтар боюнча окуучу өлөр алдында туугандарына СМС билдирүү жиберген.