Кара-Суу районунда 43 окуучу ууланып, 18 бала ооруканага жаткырылды

 Кара-Суу районунда 43 бала ууланып ооруканага жеткирилди. Бул тууралуу Саламаттыкты сактоо министрлигинен билдиришти.
 
Алдын ала диагноз - белгисиз зат менен уулануу. 
 
Буга чейинки маалыматтарда окуучулардын бири класска атыр сээп, андан кийин окуучулардын башы ооруп, абалдары оорлошкону айтылган. 
 
«Ош балдар ооруканасына жеткирилген 43 баланын 18и жаткырылган, абалы канааттандырарлык. Жабыркагандардын баары эмнеден ууланганын аныктоо үчүн кан анализи алынды», - деп айтылат маалыматта. 

Ошондой эле министрлик бүгүн эртең менен 4 бала ооруканада калып, калган 14 бала үйлөрүнө чыгарылганын белгиледи.