Түркияда жер титирөөдөн жабыр тарткандарга кыргыз боз үйлөрү тигилип баштады

6-февралда Түркиянын түштүк-чыгышында болгон катуу жер титирөөнүн очогу болгон Кахраманмараш шаарында жабыркагандарды убактылуу жайгаштыруу үчүн Кыргызстан тарабынан жөнөтүлгөн боз үйлөр тигиле баштады.
 
Кыргызстандын Түркиядагы элчилигинин маалыматына караганда, 12-февралда Кыргызстандан Газиантеп шаарына атайын учак менен жеткирилген 78 боз үй Кыргызстандагы диаспоралардын өкүлдөрү жана студенттер, ошондой эле Кыргызстанда жашаган этникалык кыргыздардан турган ыктыярчылар тарабынан тигилүүдө.