Түркия менен Сириядагы жер титирөөдөн каза болгондордун саны 16 миңден ашты

 Түркиянын өзгөчө кырдаалдар башкармалыгы билдиргендей, Түркиянын түштүк-чыгышындагы жер титирөөлөрдөн 12 миң 873 киши каза болуп, 62 миң 937 киши жаракат алды.
 
CNN билдиргендей, Сирияда каза болгондордун саны 3162ге жетти. Муну менен Түркия менен Сирияда каза болгондордун жалпы саны 16 035ке жетти.
 
6-февралга караган түнү Түркиянын түштүк-чыгышында жана Сириянын түндүк-батышында күчү 7,4 баллга жеткен жер титирөө болду. Күндүз Түркиянын борбордук бөлүгүндө күчү 7,7 баллга жеткен дагы бир жер титирөө катталды.