Боом капчыгайында унаа кыймылы убактылуу токтотулду

 Бишкек-Нарын-Торугарт унаа жолунун 140-141-чакырымдарында жана Бишкек-Балыкчы унаа жолунун 151-153-чакырымдарында сел жүрүп, Боом капчыгайында унаа кыймылы убактылуу токтотулду. Бул тууралуу Транспорт жана жолдор министрлигинин басма сөз кызматы билдирди.
 
«Бул эки тилкеде унаалардын кыймылы убактылуу жабылды. Түшкөн селдин көлөмү такталып, «Кыргызавтожол» ишканасынын кызматкерлери өзгөчө кырдаал болгон жерге атайын техникаларды тартуу боюнча иш-чараларды жүргүзүүдө. Айдоочуларды жана жүргүнчүлөрдү жолго чыкпай турууларын суранабыз»,-деп айтылат маалыматта.