Бишкектеги мектептердин 10-11-класстары үчүн кесипке багыт бере турган окутуулар киргизилет

 Бул багыттагы пилоттук долбоор борбор шаарда ишке кирерин “Биринчи радиого” Билим берүү жана илим министрлигинин кесиптик билим берүү башкармалыгынын башчысы Төөлөсбай Абылкасымов билдирди. 
 
«Союздун учурунда окуучулар 10-11-классты бүткөндө тигүүчү, айдоочу, чач тарач сыяктуу адистиктерди алып чыкчу. Биз ушуга көӊүл буруп, быйылкы жылы пилоттук негизде Бишкек шаарындагы мектептер менен иш алып барып жатабыз. Учурда жумушчу топ түзүлдү. Биз Бишкек шаарынын бир районун же Бишкектеги бардык мектептерди толук пилоттук негизде профилдик окутууну 10-11-класстарга киргизели деп жатабыз. Бул боюнча жобону иштеп чыгабыз. Бул долбоор өзүнүн жемишин берет деп ишенебиз»,—деди ал.