11-апрелде вирус жуктурган дагы 41 учур катталды, жалпы 339

11-апрелде өлкөдө  вирус жуктурган дагы 41 учур катталганын Саламаттык сактоо министринин орун басары Мадамин Каратаев онлайн брифингде билдирди.
 
Жаңы катталгандар: Бишкекте-12, Чүй облусунда -3, Ош облусунда- 18, Ош шаарында -6, Нарын облусунда-2 адам.  Ушул менен илдетке чалдыккандардын саны 339 адамга жетти. 
 
Маалыматка ылайык, бүгүн беш жаран айыгып үйүнө чыгарылды. Жалпысынан ушул күнгө чейин 44 адам айыгып чыкты.