Казакстанда сабалган Сыдыков оор абалда ооруканага түшкөн

Казакстанда кармалып, сабалган кыргызстандык Чолпонбек Сыдыков оор абалда Бишкектеги травматология жана ортопедия илим изилдөө борборуна жаткырылган.
 
Ооруканадан билдиришкендей, Сыдыков текшерүүдөн өтүп жатат, андан соң дарылануу белгиленет.
 
Буга чейин Алматыдагы тополоңдон кийин дайынсыз жоголгон Чолпонбек Сыдыковду Алматыдагы Башкы консулдуктун кызматкерлери Алатау аймагындагы ооруканадан тапканы маалымдалган. Анын эки буту, кабыргасы сынган.
 
Ал 9-январга караган түнү Алматы-Бишкек жолунда кармалып, андан соң сабалып, ооруканага жеткирилгени белгилүү болду.