Эдил Байсалов: Коронавирустун төртүнчү толкуну март айына чейин созулат

 Коронавирустун төртүнчү толкуну март айына чейин созулат. Бул тууралуу Жогорку Кеңештин жыйынында министрлер кабинетинин төрагасынын орун басары Эдил Байсалов билдирди.
 
Анын айтымында, келерки аптада коронавирус инфекциясынын таралышынын туу чокусу күтүлүүдө.
 
«Эң оор учур Бишкек жана Ош шаарларында болорун болжолдоп жатабыз. Бизде адистер, ооруканалар бейтаптарды убагында кабыл ала алабы деген кооптонуу бар. Вирустун күчөгөн учуру келди, бул оору март айына чейин созулат”,-дейт Эдил Байсалов.
 
Чиновник министрлер кабинети ДСУнун сунуштарын аткарып жатканын белгиледи.