Дайынсыз болуп жаткан Хадича Болотбекованын сөөгү табылды

 
Дайынсыз жоголгон 16 жаштагы Хадича Болотбекованын сөөгү табылды. Бул тууралуу Чүй облустук ички иштер башкы башкармалыгынын басма сөз кызматы билдирди.
 
Кыздын сөөгү бүгүн саат 13.30дар чамасында табылгандыгы такталды.
 
«Сөөктү жергиликтүү тургундар суу сактагычтын жээгиндеги Серафимовка жана Туз айылдарынын ортосунда табышкан. Визуалдык экспертиза зордук -зомбулук менен өлүмдүн белгилерин тапкан жок. Туугандары кыздын сөөгүн аныкташкан. Бардык жагдайлар такталып жатат ", - деп билдиришти милициядан.
 
Эске сала кетсек, 14 -сентябрда Хадича Болотбекова Жайылма айылындагы үйүнөн чыгып кеткен боюнча кайтып келген эмес.