Казакстанда коронавирустун жаӊы түрү аныкталды

Казакстандын Саламаттыкты сактоо министрлигинин башчысы COVID-19 менен ооругандарда "нигериялык" штамм аныкталганын жарыялады
 
Казакстанда коронавирустун eta деген (нигериялык) түрү аныкталды. Бул тууралуу Казакстандын саламаттыкты сактоо министри Алексей Цойдун билдирүүсүнө таянып жергиликтүү маалымат каражаттары жазып чыкты. 
 
Маалыматка ылайык, аталган штамм өлкөнүн төрт аймагында антыкталган. 
 
"Etа штаммынын пайда болушу 2020 -жылдын декабрында белгилүү болгон, оорунун биринчи учурлары Нигерияда жана Улуу Британияда аныкталган. Дүйнөлүк саламаттыкты сактоо уюмунун маалыматы боюнча, 2021 -жылдын 15 -сентябрына карата бул штамм 77 өлкөдө табылган. Дүйнөлүк саламаттык сактоо уюмунун категориясына ылайык, ал "байкоону" талап кылган штаммдарга кирет», - деди министр.
 
Бета ("Түштүк Африка") штаммдары менен бирдей экенин - ысытма, жөтөл, жыт жана даам сезбей калуу белгилери бар экенин кошумчалады.