Үчүнчү толкун. Кыргызстанда коронавирус менен ооругандардын саны өсүүдө

 
 
Бүгүнкү күндө Кыргызстанда коронавирустук инфекциянын үчүнчү толкуну байкалууда. Бул тууралуу Саламаттыкты сактоо жана социалдык өнүгүү министринин орун басары Жалалидин Рахматуллаев 15-июнда брифингинде билдирди.
 
Анын айтканына караганда, учурда вирус жуктуруп алгандардын саны өсүп, өлкөдө коронавирустун үчүнчү толкуну байкалууда. Коронавирустун эки толкуну - 2020-жылдын июль жана ноябрь айларында болгон.
 
“Акыркы жети күндүн ичинде оорунун жайылуу көрсөткүчү же жугуштуулугу 1,3 пайызды түздү”, - деди Рахматулаев.
 
Вирус жуктуруп алгандар Бишкекте, Чүй жана Ош облустарында көп катталууда. Ошондуктан аталган аймактар «кызыл зонада» турат.