Нарында илдетке чалдыккан дааватчынын жубайынан, келин-уулунан да вирус аныкталды

Бүгүн, 31-мартта Нарын шаарында коронавирус жуктурган дагы 3 адам аныкталды.

Бул туурасында Нарын облустук штабдан билдиришти. 

Маалыматка ылайык, илдетке чалдыккан үч адам  Нарында биринчилерден болуп коронавирус аныкталып оорукана жаткырылган Пакистандан дааваттан келген жарандын  жубайы, уул- келини. 

Пакистандан келген жарандан вирус аныкталгандан кийин аны менен байланышта болгон 15 адамдан анализ алынып, үч адамдан вирус аныкталып, 12 адамдын анализи таза чыккан. 
Ысык- Көлдөгү илдетке чалдыккан эки жарандын да Индиядан дааваттан келгени айтылууда.