Ажылык сапардан келген 6 тургундун анализи таза чыкты
- 23.03.2020, 13:09,
- Коом
- 0
Facebook
Вконтакте
Одноклассники
Google+
Вирус күчөп турган маалда ажылык сапарга барып келген Алайдын 6 тургунунун коронавируска байланыштуу анализи таза чыкты.
Бул тууралуу өкмөттүн Ош облусундагы өкүлчүлүгүнүн басма сөз катчысы Нуркыз Кадырбек кызы басма сөздөрдүн бирине билдирди.
«
Бүгүнкү күндө Гүлчө айылында 141 орунга ылайыкташкан обсервация даярдалды. Ал эми аймактык оорукананын жугуштуу оорулар бөлүмүндө кичи ажыдан кайтып келип, атайын стационардык шартта көзөмөлдө турган 6 жарандын анализдеринин жыйынтыгы таза чыгып, дарыгерлердин консилиумунун корутундусу менен үй шартында көзөмөл жүргүзүүгө чыгышты. Учурда аймактык ооруканада 55 койкага ылайыкташкан атайын жай уюштурулган», - деди Нуркыз Кадырбек кызы.
Эске салсак, Каргызстан боюнча коркунучтуу вирусту жуктуруп алгандардын саны 14кө жетип, 22-марттан тарта өлкө боюнча өзгөчө кырдаалдар режими киргизилди. Ал эми чет өлкөдөн кайтып келе албай ара жолдо калып калган мекендештер чекесинен алынып келип,карантинге жаткырылууда.
