COVID: 9 киши каза болуп калды, 356 адам жуктуруп алды

Өлкөдө акыркы суткада коронавирусту 356 киши жуктурду, 458 бейтап айыкты, тилекке каршы, тогуз киши өмүрү менен кош айтышты. Бул тууралуу Саламаттык сактоо жана социалдык өнүктүрүү министрлиги кабарлады.

Кыргызстанда пандемиядан бери COVID-19 инфекциясынын 104 222 учуру катталды. Анын ичинен 98 000 адам айыкты.
Бир сутка ичинде каза болгондордун алтоо Бишкекте, бирөө Чүйдө, бирөө Баткенде, дагы бирөө Ысык-Көлдө дарыланып жаткан. Жалпысынан каза болгондордун саны 1 797ге жетти.