Муздаткычтын өчүрүлгөнүнөн улам жараксыз абалга келген вакцинанын чыгымы 840 миӊ сомду түздү

Бишкектеги №2 ҮМБда муздаткычтын өчүрүлгөнүнөн улам жараксыз абалга келген «Спутник V» вакцинасынын 994 дозасынын чыгымы 840 миӊ сомду түздү. Бул тууралуу Бишкек шаарынын социалдык саясат боюнча вице-мэри Виктория Мозгачева билдирди.
 
Маалыматка ылайык, келтирилген чыгым №2 Үй-бүлөлүк медицина борборунун жетекчилиги жана жооптуу адамдары тарабынан төлөнөт.
 
Вакциналардын ар бири мамлекетке 20 долларга жакын суммага сатылып келген.