Бүгүн алты медкызматкерден вирус аныкталды

 Кыргызстанда бир күндө алты медициналык кызматкер коронавируска чалдыккан. Бул тууралуу Саламаттыкты сактоо жана социалдык өнүгүү министринин орун басары Улук-Бек Бектурганов брифингде билдирди. 
 
Анын айтымында, Бишкек шаарында төрт, Чүй жана Ысык-Көл облустарында бирден учур катталды.
 
Бир күндө 5 медициналык кызматкер ооруканалардан, төртөө үйдөн айыгып чыккан. COVID-19 диагнозу коюлган медициналык кызматкерлердин жалпы саны 4411 болсо, алардын 4326сы айыкты.