Сутка ичинде тогуз медкызматкер вирус жуктуруп алды

 Кыргызстанда бир күндө тогуз медициналык кызматкер коронавируска чалдыккан. Бул тууралуу Саламаттыкты сактоо жана социалдык өнүгүү министрлиги билдирди. 
 
Анын айтымында, Бишкекте үч, Ошто бир, Чүй облусунда төрт, Ысык-Көл облусунда бир учур катталды. Күндүз эки медициналык кызматкер ооруканалардан, төртөө үйдөн сакайып чыккан. 
 
COVID-19 диагнозу коюлган медициналык кызматкерлердин жалпы саны 4 миң 350 адамды түзөт, алардын ичинен 4264 медициналык кызматкер айыгып кетишкен.