Бишкекте кошумча стационарлар ачылат

Бишкек шаарында коронавирус илдети көп катталып жатканына байланыштуу кошумча стационарлар ачылат. Бул тууралуу вице-премьер-министр Артем Новиков коронавируска каршы ыкчам штабдын жыйынында билдирди.
 
Маалыматка ылайык, кошумча стационарлар кийинки жумадан тартып ачыла баштайт. Ошондой эле медицина кызматкерлердин мобилдик бригадаларынын саны көбөйтүлөт. Эл көп чогула турган иш-чараларга чектөө киргизилиши мүмкүн.