Кыргызстанда коронавирус менен ооруган 620 адамдын 108и оор абалда

 
Кыргызстанда учурда 620 адам коронавируска каршы дарыланууда. Бул тууралуу республикалык штаб билдирди.
 
Маалыматка ылайык, 275 бейтап амбулатордук шартта (үйдөн), 345 ооруканадан дарыланышууда. Анын ичинен 17 адам өтө оор, 91 адамдын абалы оор, орулуулардын басымдуу бөлүгүнүн абалы - 236 адам (же 68,4 пайыз) - орто оор деп бааланууда. Бир адамдын абалы канааттандырарлык.