25-март: Коронавирус жуктурган жаңы учур катталган жок

Саламаттык сактоо министрлигинин өкүлү Айнура Акматова 25-марттын эртең мененки саат 9га карата Кыргызстанда коронавирус жуктурган жаңы учурлар катталбаганын билдирди. Бейтаптардын жалпы саны 42 адам бойдон. 

Бейтаптар Бишкек шаарындагы республикалык клиникалык инфекциялык ооруканада, Ош, Баткен жана Жалал-Абад облустук, Ноокат, Ала-Бука аймактык ооруканаларында жатат.

Бейтаптардын эң кичүүсү бир жашка толо элек ымыркай, эң улуусу 86да экени айтылган.

Оор абалдагы 71 жаштагы эркек бейтап дагы эле реанимацияда, абалы салыштырмалуу орточо оор.

Обсервацияда 24-мартта 2014 адам жатса, 25-мартка карата 585и калды