Жоготуу катталган жок, вирусту 100 киши жуктурду

Кыргызстанда акыркы сутка ичиде 100 киши коронавирус жуктуруп алган. Бул тууралуу Саламаттык сактоо министрлигинен кабарлашты.
Жуктуруп алгандар:

• Чүй облусу — 46;
• Бишкек шаары — 45;
• Ысык-Көл облусу — 5;
• Ош шаары — 2;
• Жалал-Абад облусу — 1;
• Баткен облусу — 1.

Ош, Талас жана Нарын облустарында вирус илештирип алгандар катталган жок. Өлкөдө бул илдетти жуктургандардын жалпы саны 87 858ге жетти.
Бактыга жараша, коронавируска кабылгандар арасында көз жумгандар болгон жок. Жалпысынан 1 494 бейтап акка моюн сунду.
Ал эми оорудан сакайып кеткендердин саны өткөн суткада 62ге жетти:

• Бишкек шаары — 36;
• Чүй облусу — 23;
• Ош шаары — 2;
• Нарын облсу — 1.

Былтыркы жылдын март айынан бери вируска кабылып, айыккандардын саны 84 469ду түздү.
Ушул тапта 505 бейтап ооруканада, 446 бейтап үй шартында дарыланып жатат.