Нарында коноравирус пайда болду деп жалган маалымат тараткан 2 жаран кармалды

Ансыз жа үрөйү учуп, таажылуу вирустан коркуп жаткан элди дүрбөлөң кылгандар жазаланаары алдын ала эскертилгенине карабай, Нарын районунун Жерге-Тал айылынын 2  тургуну коркунучтуу вирус пайда болду деген жалган маалымат тараткандыгы үчүн кармалды. Алар тез жардам кызматынын унаасын видеого тартып "Коронавирус пайда болгон окшойт" деген билдирүүнү WhatsApp аркылуу таратышкан. Жалган маалымат тараткан 1994-жылы туулган Д.Э жана 1974-жылы туулган К.К аттуу эки жаран кармалып, учурда тергөө иштери жүрүп жатат.