Кадамжай шахтасында жарылуу болуп, бир адам каза болду

 
Кадамжайдагы шахтада жарылуу болуп, бир адам каза болду. Бул тууралуу Өзгөчө кырдаалдар министрлигинин басма сөз кызматы билдирди. 
 
Анын айтымында, 15-январь күнү саат 11.40та Үч-Коргон айыл өкмөтүнүн №5 штольня бөлүгүндө белгисиз себептерден улам жарылуу болду деген маалымат келип түшкөн.
 
Окуя болгон жерге келген куткаруучулар Додон айылынын 1976-жылы туулган тургуну К.Т.нын сөөгүн урандылардын астынан таап, туугандарына өткөрүп беришкен. Башка жаракат алгандар жана каза болгондор жок.