Коронавирус жуктурган жаран кичи ажылыктан келип, той берген...

Кичи ажылык сапарга барып, коронавирус жуктуруп алган Сузак районунун Бостон айылынын тургуну ажылыктан келгенде 150дөй адамды чакырып, той берген деген маалымат тарады. Маалыматка ылайык, 46 жаштагы К.Х аттуу тургун үйүнө 13-мартта келип, эртеси той берген. Анын төрт баласы бар. Тойго барган жарандардын аты-жөнү такталып, текшерүүдөн өтөөрүн айыл өкмөтү маалымдаган. Учурда вирус жуктурган жарандын үйү курчоого алынды. 

Кыргызстанда өзгөчө кырдаал кабыл алынып, карантин жарыялангандыгына карабастан өткөрүлүп жаткан тойлордун аягы сууй элек. А түгүл эпидемиологиялык кырдаал учурунда атайын той өткөрүп жаткан жарандар  "айыбын төлөөгө макулмун, бирок тоюмду токтото албайм" дегенге чейин барышууда.