Сузак району карантинге алынды

Коронавирусту жуктуруп алган 3 адам Умра сапарынан келери менен карантинге алынбай, жакындары менен каалагандай учурашып, келип- кеткендер көп болгондугуна  байланыштуу Сузак аймагына өзгөчө кырдаал режими киргизилди. Вирус жуктуруп алгандар Благовещенка жана Бостон айлынан болгондуктан, аталган эки айылдын тургундарына  бири- биринин үйүнө каттоого жана  Сузак районуна кирип- чыгууга чектөө киргизилди.  

Район боюнча тойлорду өткөрүүгө жана массалык топтолууларга да тыюу салынды.  

Коронавируска кабылган үч адам менен байланышта болгон 90дон ашуун адам обсервацияга жаткырылды.