Бишкекте кароолчунун бөлмөсү күйүп, 2 киши каза болду

Бишкекте эки кабаттуу имараттан өрт чыгып, эки адам каза болду. Бул тууралуу ӨКМнын маалымат кызматынан кабарлашты.

Маалыматка караганда гараж куруу кооперативинин экинчи кабатында жайгашкан кароолчунун бөлмөсү, андагы эмеректер күйгөн. Өрт болгон жерде эки эркек адамдын жансыз денелери табылып, аты-жөнү такталууда. Өрттүн келип чыгуу себебин тактоо иштери жүргүзүлүп жатканын айтышат мекемеден.