Жабыркагандар жок. Түндө Жалдагы көп кабаттуу үйдөн чыккан өрт убагында өчүрүлдү

Түндө Бишкектин Жал кичи районундагы көп кабаттуу үйдөн чыккан өрттөн эч ким жабыркаган жок. Өрт саат 01:13тө толугу менен өчүрүлдү. Бул туурасында Өзгөчө кырдаалдар министрлиги билдирди.

Өрт тууралуу ӨКМге саат 22.20лар чамасында түшкөн. Натыйжада саат 23:52де жалын чектөөгө алынган. Тез жардам кызматынан бир бригада келип күзөтүп турганы айтылды. Ошондой эле 25 милиция кызматкери келип коопсуздукту камсыздаган. Жалын 400 чарчы метр аянтты жалмап, курулуш буюмдары күйгөн. Өрттүн келип чыгуу себептери такталууда.