Индиядан чыккан белгисиз дарт адамдан адамга жукпайт

Индиянын түштүгүндөгү Андхра-Прадеш провинциясындагы Элуру шаарында жекшембиде бери дегенде 800дөн ашык адамга белгисиз оору жукту. Дүйшөмбүдө бир бейтап көз жумду. Дарыгерлердин айтымында, ооругандар кусуп, эстен танып, калтырап-титиреп калышкан.

Бул белгисиз илдет дарыгерлердин айтымында адамдан адамга жукпайт. Алдын ала божомолдор боюнча оору кир суудан улам пайда болгон.