Атасынан бычак жеп, оор абалда жаткан наристеге жардам берилди

6-март күнү 5-кичи районунда  атасынын колунан бычак жеген тестиерге кайрымдуу жарандар акча чогултуп беришти. Коомчулуктан жардам сурап баланын туугандары кайрылган. “Балдардын укугун коргоочулар лигасынын” башчысы Назгүл Турдубекованын айтымында жетим калган баланы асыроону  тай ата-тай энеси өз мойнуна алат. Баланын дары-дармегине каражат керек болгондугуна байланыштуу, боорукер адамдар тарабынан чогулган акча туугандарына тапшырылганын Назгүл Турдубекова маалымдады. Эске салсак, 6-март күнү  5-кичи районунда бир киши аялына бычак сайып өлтүрүп, баласына да бычак сайып андан соң өзү асынып алган.