Түштүк Чоң Чүй каналы аркылуу көпүрө курууга сынак жарыяланды

Түштүк Чоң Чүй каналы аркылуу көпүрө курууга кайрадан сынак жарыяланды. Сынакты "Бишкек асфальт сервис" муниципалдык ишканасы жүргүзүүдө. Бул тууралуу мэриянын маалымат кызматы кабарлады.

Көпүрөнүн узундугу 18 метр, унаа жолунун туурасы 11 метрден, ал эми жөө адамдар өтүүчү жери эки тараптан тең 3 метрден болушу керек.

Долбоордун наркы 23 миллион сомду түздү. Арыздар 13-ноябрь саат 16:55ке чейин кабыл алынат.

Мэрия буга чейинки сынакта эреже бузуулар болгондуктан аны өткөн жок деп табылганын кошумчалады.