Парктагы пианинону кайрадан сындырып кетишти

Жапайычылыктын акыркы чегине жеткендейбиз... Бишкектеги "Театралдык" сквериндеги пианинону кайрадан сындырып кетишти. Бул тууралуу "Бишкек жашыл чарба" муниципалдык ишканасынын маалымат катчысы Аида Айдаралиева билдирди.

Анда пианинонун жыгачтары сындырылганын жана баскычтары жакшы иштебей жатканын байкоого болот. Кызматкерлер келгенде музыкалык аспап жерде жаткан.

Эске сала кетсек, бул пианинону бир ай мурда дагы сындырып кетишип, жаңысын орнотушкан.