Кавасаки статистикасы боюнча жумушчу топ түзүлүп, 2000 ашык орун даярдалды

Кавасаки – мультисиндромдуу сезгенүүнүн статистикасы боюнча иштей турган жумушчу топ түзүлдү. Бул тууралуу Медициналык жардам жана дары-дармектер саясаты башкармалыгынын башчысы Нургүл Ибраева 28-сентябрдагы брифинг учурунда билдирди. 
 
Анын айтымында, мультисистемалык оору же Кавасаки синдромуна кабылган балдарды аныктоо үчүн протокол иштелип чыгып, рецензиялоо баскычында турат. Бул боюнча атайын жумушчу топ түзүлүп иш алып барууда. 
Кыргызстан боюнча балдарды дарылоо үчүн 5 стационар даярдалды жана аймактык ооруканалардын балдар бөлүмдөрүндө да орундар ачылган. Жалпысынан 2000ден ашык орун даярдалган.