Базар-Коргондо 2 сарай жана малдын тоюту өрттөндү

Базар-Коргон районунун Бай-Мундуз айылында 2 сарай жана малдын тоюту өрттөндү. Бул тууралуу бүгүн, 25-сентябрда ӨКМден кабарлашты.

Маалыматка караганда, кырсык айылдын Салиев көчөсүндө болгон. Анын кесепетинен жанаша жайгашкан 2 сарайдын жалпы аянты 567 чарчы метр чатыры, 1400 түк чөп, 230 түк саман, 300 боо жүгөрү сабагы жана 4 дөңгөлөк күйүп кетти. Учурда өрттүн себеби такталууда.