Мурду бүтпөйт, кээде эти да ысыбайт...Балдардагы ковид менен грипптин айырмасы...

Лондондогу королдук колледждин профессору Тим Спектор балдардын сасык тумоосун кадимки COVID-19дан кантип айырмалаш керектигин айтып берди.

Адистин айтымында баланын мурду бүтө баштаса, ата-энелер дүрбөлөңгө түшпөгөнү дурус. Коронвирустан балдардын мурду бүтпөйт.

Изилдөөдө мектеп жашындагы балдар арасында коронавирус инфекциясынын эң көп тараган белгилери — тез чарчагандык, баш оору, эт ысуу экендигин көрсөткөн. Мындан сырткары, изилдөө COVID болгон ар бир алтынчы баланын терисин кызарган бүдүрлөр каптап кетээри айтылган.

Дарыгер коронавирус жуккан ар бир эле баланын эти ысый бербестигин, гриппке караганда белгилери кеч байкалышы ыктымалдыгын айтты. Ал эми кээ бирлеринде оорунун белгилери байкалбашы, бирок вирусту алып жүрүп, башкаларга ооруну таратуучу болушу мүмкүн. 
l