Өзгөчө камкордук. Кадамжайлыктар дарыгерлерге жарым тонна кыям белек кылышты

Кадамжай районунун жашоочулары Ош шаардык жана облустук ооруканасында иштеп жаткан медицина кызматкерлерине жарым тонна малинадан жасалган кыям жөнөтүштү. Бул тууралуу республикалык штабдан билдиришти.

“Дарыгерлер тартып жаткан түйшүктү көрүп, Кадамжай районунун тургундары короосуна эккен малинадан кыям жасап, медкызматкерлерине берели дегенбиз. Анткени малинада витамин көп, пайдалуу экенин дарыгерлер өздөрү айтып келишет”, - деп билдирди “Кадамжай” жардам штабынын координатору Айтмат Азамжан уулу. Ошондой эле жакында Бишкек шаарына да жөнөтүлөөрүн кошумчалады.