2-турда билим алчу окуу жайын тандап аныктаган абитуриент 3-турга катыша албайт

Билим берүү жана илим министрлиги ЖОЖдорго онлайн кабыл алуунун 2-туруна катышып жаткан бүтүрүүчүлөргө кайрылуу жасады.
 
"Урматтуу абитуриент, сиз 1-август саат 17:00гө чейин сунушталган окуу жайда билим ала турганыңызды тастыкташыңыз керек. Эгер ал окуу жайдан билим алгыңыз келбей калса, айтылган убакытка чейин жиберген өтүнмөңүздү кайтарып алууңуз шарт. Бул учурда сиз III турга катыша аласыз", — деп айтылат маалыматта.

Ошондой эле 2-турда билим алчу окуу жайын тандап аныктаган абитуриент 3-турга катыша албай турганы да маалыматта айтылды.