Шайлоо 2020: Үгүт иштерине канча ММКлар, сайттар, гезит-журналдар катышат?

Борбордук шайлоо комиссиясы (БШК) парламенттик шайлоо алдындагы үгүт иштерине катыша турган массалык маалымат каражаттарын жана интернет-басылмаларды расмий каттады. Мекеменин маалыматына караганда, 27-июлдагы отурумунда комиссия аларды аккредитациядан өткөрүү тууралуу токтом кабыл алды.

Тизмеге 210 ЖМК жана интернет-басылма кирди. Алардын 57си телекомпания, 52си гезит-журнал, 26сы радио жана 75и интернет-басылма.
Эфир убактысы, басма аянты жана интернет-басылмага жарыялоо укугу үчүн акы төлөө шарттары тууралуу маалымат БШКнын расмий сайтына жарыяланат.

Кыргызстандагы кезектеги парламенттик шайлоо быйыл 4-октябрга пландалууда.