Молдокматова Рамзан Кадыровдон жардам сурайм деп кайрадан эл сынына кабылды

Белгилүү алып баруучу Ассоль Молдокматова кайрадан талкууга жем таштады. Ал бул сапар ал Чечен Республикасынын башчысы Рамзан Кадыровдон жардам сурап кайрылды. Анын мындай кадамынан кийин бир  топ эл тааныган инсандар, социалдык тармактардын колдонуучулары алып баруучуну сындап да, мактап да жазып жаткан убагы.

Көпчүлүк интернет колдонуучулары жамандыр,жакшыдыр эгемен өлкөбүз, мамлекет башчыбыз турса, өлкөсү жок, ар кайсы жерде баш калкалап күн көргөн улуттардай болуп ар кимден жардам сураганыбыз уят деген өңдүү пикирлерин калтырышууда. Эске салсак, алып баруучу буга чейин Орусиянын президенти Владимир Владимирович Путинге да жардам сурап кайрылган. Ошондой эле мамлекет башчыларын сындагандыгым үчүн коркутуулар болуп жатат деп да жар салгандыгы маалым. Мындай кадамдарынын аягы кандай аяктаары али белгисиз...