Рамзан Кадыров Кыргызстандагы чечен карыяны алып кетүү үчүн жеке учак жиберди

10 жылдан бери Кыргызстандагы карылар үйүндө жашап жаткан 80 жаштагы чечен карыяны Грозныйга алып кетүү үчүн Чечестандын президенти Рамзан Кадыров жеке учак жиберди.
 
Данга карыя эртеӊ 19-июнда Ассоль Молдокматованын коштоосунда атайын учак менен Грозныйга учуп кетет. 
 
Маалыматка ылайык, ал Грозный шаарында туулган. Массалык жер которууда Кыргызстанга келген, 10 жылдан бери карылар үйүндө жашайт. Анын жакын туугандарынын баары Чеченстанда, Кыргызстанда үй-бүлөсү жана туугандары жок. Өз мекенине кетүү анын кыялы эле.