Коронавирустан дарыланып жаткан дагы бир жаран терезеден боюн таштап, көз жумду

Ош шаарындагы шаардык эски ооруканасынан коронавирус илдетине кабылып дарыланып жаткан 1955-жылы төрөлгөн эркек адам оорукананын экинчи кабатынан боюн таштап каза болду. Бул тууралуу ОШ ШИИБинен билдиришти.

Маалыматка ылайык, окуя 15-июль саат 22:00дор чамасында болгон. Анда коронавирус инфекциясына кабылып, ооруканада дарыланып жаткан Ош шаарынын Манас Ата кичи районунун 55 жаштагы тургуну оорукананын экинчи кабатынан секирип кеткен. Маркум окуя болгон жерден каза болгон жана тиешелүү медициналык экспертизалар дайындалды.
Буга чейин дагы жаңы коронавируска кабылып ушул ооруканада дарыланып жаткан 34 жаштагы жаңы төрөгөн аял терезеден боюн таштап каза болгон.