Коронавирус жана пневмония менен ооругандар бекер дарыланат

Кыргызстанда коронавирус илдети жана пневмония менен ооруган бейтаптар бекер дарыланат. Бул тууралуу 16-июлдагы онлайн брифингде Милдеттүү медициналык камсыздандыруу фондунун төрагасынын орун басары Акылбек Калыков билдирди. 
 
«Учурда пневмония менен ооруган бейтаптардын саны өсүп, бирок алардын ПЦР-тесттери терс жыйынтык берип жаткандыктан Саламаттыкты сактоо министрлиги менен биргеликте Милдеттүү медициналык камсыздандыруу фонду кыргыз жарандары үчүн пневмония жана коронавирус илдети менен ооругандарды бекер дарылоо тууралуу чечим кабыл алды»-,деди Калыков.