Эртеӊ Түркиядан 18 медкызматкер Кыргызстанга жардамга келет

Түркияда жашап, иштеп жүргөн 18 кыргызстандык медицина кызматкери Кыргызстанга жардамга келе турганын 14-июлдагы брифинг учурунда өкмөт башчы Кубатбек Боронов кабарлады. 

Маалыматка ылайык, алар коронавирус илдетине каршы күрөшүүдө кыргыз элине жардам берүү үчүн келип жатышат. 
 
Эске салсак, буга чейин Орусияда иштеп, жашап жаткан кыргызстандык дарыгерлер тобу жардамга келишкен. Өкмөт медициналык билимге ээ болгон бардык медкызматкерлерди жардамга кол сунууга чакырууда.