Пневмония менен ооруган 112 адам реанимацияда жатат

Кыргызстанда пневмония менен 1247 адам ооруп, ооруканада дарыланууда. Алардын коронавируска тапшырган анализи таза чыккан. Бул тууралуу 2-июлда республикалык ыкчам штаб билдирди.
 
Маалыматка ылайык, 1247 адамдын 337си оор абалда, 112 адам реанимацияда жатат.
 
Жалпысынан өлкө боюнча пневмония илдети менен катталгандардын саны 1971ге жетти, алардын 97си каза болуп, 627 бейтап айыкты.