Бүгүн 43 медкызматкер коронавирус жуктуруп алды

Бир сутка ичинде өлкө боюнча медициналык 43 кызматкерден коронавирус инфекциясы табылды. Бул тууралуу онлайн-брифинг учурунда саламаттыкты сактоо министринин орун басары  Мадамин Каратаев айтты. Илдет аныкталган дарыгерлердин ичинен: 
• Бишкек шаарында – 19
• Чүй облусунда – 7
• Ош шаарында – 7
• Ош облусунда – 3
• Нарын облусунда – 2
• Баткен облусунда – 1
• Ысык-Көл облусунда – 4
Ал эми бир суткада 11 медициналык кызматкер ооруканалардан айыгып чыкты. Жалпысынан республика боюнча COVID-19 диагнозу 712 медкызматкерге коюлду. Алардын ичинен 414 медкызматкер стационарлардан айыгып чыккан.