Биздин ПЧР тесттер сапатсызбы? Министрликтин жообу…

Бүгүн, 25-июнда онлайн брифинг учурунда модератор саламаттыкты сактоо министринин орун басары Мадемин Каратаевге «Орусияга президент менен барган делегациянын мүчөлөлөрүнүн анализдери бизден таза чыгып, ал жакка барганда вирустун бар экени аныкталды. Биздин ПЧР тесттер сапатсызбы?»-деген суроо узатты. 
 
«Сапатсыз тест болбойт. Биздин тесттер деле сапатуу, лабораториялар бирдей эле. Президент менен кошо баргандар качан анализ тапшырганы туурасында маалыматым жок. Балким 2-3 күн мурда тапшыргандыр. Вирус жуктурган адам менен байланышта болсо, ал ошол күнү кечинде деле жугуп калышы мүмкүн»,-деп жооп берди Каратаев.